Telegram Messenger n’Asturianu

t_logo

Bienllegaos a la dómina de la mensaxería
rápida y segura.

 

Asturgram ye una aplicación de mensaxería gratuita de códigu abiertu, que permite unviar y recibir mensaxes al traviés d’Internet.


Báxalu dende Google Play

 

TELEGRAM N’ASTURIANU PA iOS

Dende güei ta disponible la traducción al asturianu del veceru Telegram pa preseos iOS. Tenemos de dexar claro que namái ye la traducción, non una aplicación distinta. Ye dicir, pola mor de les polítiques d’Apple pa cola so App Store, entá nun nos ye posible espublizar un Asturgram pa iOS.

¿Cómo pueo «asturianizar» Telegram nel mio preséu iOS? Ye cenciello. Lo primero que tienes de facer ye xunite a la nuesa canal en Telegram/Asturgram porque ehí vamos espublizar tolos ficheros de traducción anovaos, lo segundo ye calcar nel ficheru de traducción más anováu y primir n’«Aplicar traducción». Yá ta, nun hai más.

Por desgracia esti procedimientu ye manual y nun hai mou d’automatizalu más. Perdonái les molesties.

BOTS

Embaxo tán los enllaces de los bots. Pa instalalos tienes de primir en caún d’ellos y llueu abrilos con Asturgram. Namái facelo, va abrísete Asturgram y apaeceráte un mensaxe u namás tienes de da-y a «ENTAMAR».

Los bots puen dir anovándose automáticamente col tiempu, ya incluso pue ser posible que nesta páxina s’espublicen más de nueso o de to. ¡Tate sollerte!:

 

HangBot (l’aforcáu n’asturinu), fechu por Robin van der Vliet y traducíu por Softastur: https://telegram.me/HangBot

 

PAQUETES DE PEGADIELLES

Embaxo tán los enllaces de los paquetes de pegadielles. Pa instalalos tienes de primir en caún d’ellos y llueu abrilos con Asturgram. Namái facelo, va apaecete un ventanu coles pegadielles que trai-y esi paquete u namás da-y a «AMESTAR».

Los paquetes de pegadielles puen dir anovándose automáticamente col tiempu, ya incluso pue ser posible que nesta páxina s’espublicen más de nueso o de to. ¡Tate sollerte!:

 

Paquete de pegadielles «Aselái Y…», fechu por Softastur: https://telegram.me/addstickers/AselaiY

Paquete de pegadielles «IniciativaXAst Keep Calm», fechu por Softastur col debíu permisu d’Iniciativa pol Asturianu: https://telegram.me/addstickers/IniciativaXAstKC

 

LES VERSIONES «NON PLAY STORE y TELEGRAM N’AST» ESPUBLIZAES ENANTES DEL 23/09/2015 YÁ NUN TÁN SOFITAES. ENCAMENTAMOS A LA XENTE QU’ANUEVE A LES VERSIONES DE LA PLAY STORE SI ENTÁ NUN LO FIXO. GRACIES

45 comentarios al rodiu de “Telegram Messenger n’Asturianu”

  1. miguel diz:

    La fecha ponla en castellán. Nun hai forma de camudala?

  2. paparresolla diz:

    L’aplicación toma les feches de los datos del sistema Android. Como tendrás el sistema en castellanu, pues la fecha va salite en castellanu. Nun hai forma de camudala, sacantes qu’instales Android n’asturianu. Eso va ser posible bien aína, yá que la versión n’asturianu d’Android tará disponible nunos meses 😉

    Equí tienes una captura de cómo s’amuesa la fecha n’asturianu. https://twitter.com/twitvarela/status/444181136810708993/photo/1

    Nota: la captura pertenez a un smartphone con Android n’asturianu instaláu, que como te digo, tará disponible nunos meses 😉

  3. Ainoa diz:

    Nun lu hai pal iPhone???

  4. paparresolla diz:

    Sentímoslo, pero non, nun ye posible. Les polítiques d’Apple nun faen posible Telegram n’asturianu.

  5. Patricia diz:

    Oxalá la faigais pal iphone!!!!

  6. Dangerous Piper diz:

    Nun lo vamos facer, namás que facemos software llibre y Apple refuga’l software llibre nes sos plataformes. La llibertá d’usar software llibre n’asturianu tiénesla…

  7. Trasgu diz:

    Cagon too!! Nun me dexa descargala!!
    Dizme: “descarga incorrecta”

  8. paparresolla diz:

    Comprueba por favor que tienes espaciu na tarxeta de memoria. Pue ser una de les causes.

  9. Trasgu diz:

    Ya ta instalau!!! 🙂
    Hai ganes de tener Android na nuesa llingua hehe

  10. Otru mas diz:

    Yá ta instaláu y toi usándolu dende ayeri cola xente. Furrula perbién.
    Nun lu conocía y tien la mesma funcionalidá que’l WhatsApp.

    Aprovecho pa entrugar dos coses:
    Pa cuándo l’Android que yá dicís que tenéis?
    Yá nun facéis instalaciones d’Ubuntu?

    Munches gracies por facer posible software n’asturianu.
    Ánimo y a siguir p’alantre!!

  11. Dangerous Piper diz:

    Con Android tamos a la espera de la siguiente versión estable, de fechu yá ta disponible sicasí ye una alpha en prebes… nun hai fecha
    Instalaciones d’Ubuntu facemos con cada versión nueva, o cuando hai un grupu de xente interesao, tamos abiertos a propuestes.

  12. Pucheros diz:

    Ta fecho, norabuena! Va de mieu. Gracies collacios.

  13. Aida diz:

    Buenes! Paez que vuelvese un poco llocu, tuvo llegándome avisu de nuevu contauto casi dos horas jaja. Quites que te avise y ya ta, pero avísovos ya que antes nun me pasaba.

    Seguí con lo vuestro que ta de madre! 🙂

  14. Dangerous Piper diz:

    En realidá eso depende de la rede, non de l’aplicación en sí.

  15. Xoxe Mora diz:

    Doile y nun me descarga. Porque sera?

  16. Dangerous Piper diz:

    Si nun das más datos nun podemos ayudate, el sirvidor funciona correutamente… Qué restolador uses?

  17. Xoxe Mora diz:

    En la tablet dejome pero en galaxy S3 nun hai manera

  18. Xoxe Mora diz:

    Ye un samsung galaxy S3 de yoigo. Cuando doile a descarga apaezme iniciando descarga pero nun desgargase na… na tablet fue to bien.

    seguire intentandolo

  19. paparresolla diz:

    Tiéneslo fácil: pasa el ficheru Telegram.apk dende la Tablet al Galaxy S3.

    Lo más normal ye que seya un fallu na tarxeta, la conexón, o dalguna piḥada pol estilu. Tienes espaciu nella?

    Un saludu.

  20. Asturiana diz:

    Faigo la descarga completa pero llueu nun me dexa abrir el correu,dame error. Que faigo?

  21. Asturiana diz:

    Perdonai,el correu non;l’archivu.

  22. paparresolla diz:

    Entendemos que ficisti los pasos ún y dos, non? Qué teléfonu tienes? Modelu? versión? Lo que puedas cuntanos.

  23. xicu diz:

    Rula de Pm na tablet Xperia Z, sansung galaxi S3 mini ya Sony Xperia S, gracies

  24. pozaricu diz:

    Una vez instalau, qué pasa con les actualizaciones de la app? Puente facese?
    Gráciles!

  25. Dangerous Piper diz:

    Nun futuru sí, de momento el proyeutu Telegram nun dispón d’un sistema de traducción, por eso ufrimos esta compilación propia. Polo que cuando heba una actualización nosotros tendrémos de compilar otra vuelta y espublizala, obviamente diremos per detrás de la versión n’inglés.
    Esperamos que los responsables de Telegram dean soporte traducciones en breve, lo que permitirá instalalu dende F-Droid o Google Play, y les actualizaciones serán simultanees n’inglés y n’asturianu, pero dependemos de ellos.

  26. pin diz:

    Hola, norabona pol trabayu…el resultáu ye fantásticu. Una cosina, nun sedría meyor poner Grupu Nuevu y Chat Secretu Nuevu?
    Gracies y norabona otra vez

  27. paparresolla diz:

    Totalmente d’acuerdu. Eso vien del usu del orixinal n’inglés “New group..”, y tien d’evitase esi usu como normal xeneral. En Firefox, Ubuntu, Libreoffice, yá va tiempu que se fai usu d’esi rexistru.

    Correxío pa la próxima versión, que vendrá con notes de voz. Munches gracies.

  28. xicu diz:

    Tenía telegram n’asturianu. Desistalelu pa baxame la versión coles notes de voz. Descárgolu y sal to n’inglés. L’asturianu desaniciose.¿solución?

  29. Ulrich diz:

    Descargá y funcionando. Sois los meyores, munches gracies de verdá.

  30. xicu diz:

    Tenía Telegram n’asturianu. Desinstalelu pa instalar les notes de voz y agora non solo nun tengo les notes n’asturianu sinón que’l Telegram salme n’inglés. ¿solucíón?

  31. Xuacu diz:

    Bones, xicu, perdona pol retrasu, pero acabo de ver los tos mensaxes (tenemos torgada la publicación inmediata poles cantidaes descomanaes de spam que recibimos)
    Tocante a lo que dices, la app has descargala dende’l botón d’esta páxina y non la del sitiu de Telegram o la tienda de Google. Esperamos poder iguar pronto esti problema; pero nun depende de nós, sinón de que la llingua asturiana tea disponible n’Android (y pa iOS ye inda más abegoso)
    Un saludu.

  32. Softastur » Anovamientu de Telegram diz:

    […] VERSIÓN NUEVA – 1.5.0.4 […]

  33. metabolic diz:

    bones, xente.

    teo un problemin col telegram n asturianu. la cosa ye que faigo tolos pasos pa instalalu pero sigue saliendome n ingles. doiy a camudar llingua y ehi tampocu ta l asturianu… l aplicacion baxela siguiendo les instrucciones, calcando nel boton y non baxandola d otru llau

    telefonu samsung s4 mini
    version d android 4.2.2
    telegram version v1.5.0.4-ast(250)

  34. enolp diz:

    Bones metabolic.

    Ye un casu ralu’l de to. Pa intentar iguar esa torga voi cuntate un trucu.
    N’Android toles aplicaciones qu’uses atroxen della información (nomada caché) qu’aida al programa a por exemplu: cargar aína, amosar semeyes ensin falta de baxales… etc y qu’en casu d’anovamientu pue facer que l’aplicación falle. Pa iguar esti problema ye cenciello, namái tienes de dir a “Ajustes”>”Aplicaciones”>Guetar Telegram y calcar n’elli>Primir en “Eliminar caché”. Esto lo que fadrá ye qu’esa información atroxada s’anove ya igüe, quiciabes, esi problema que mos comentes.

    Si’l problema sigue ende, nun dubies en contautar con nós.

    Un saludu candial.

  35. metabolic diz:

    Meca, yo rompiendo la cabeza y sabeis que yera? Que tengo’l movil en catalán. Si lu pongo en castellanu, Telegram salme n’asturianu, pero si cambio a catalán, vuelve a inglés.

  36. Softastur » Telegram dende’l PC diz:

    […] Telegram dende’l PC […]

  37. Jorge diz:

    Nun pueo dicir muncho:
    ¡Sois grandes!
    ¡gracies por esti trabayu!
    Un saludu percandial.

  38. Softastur » Anovamientu estraordinariu de Telegram disponible diz:

    […] VERSIÓN NUEVA ESTRAORDINARIA- 1.9.7 […]

  39. As diz:

    Una entruguina, sabéis cómo pueo poner n’asturianu’l telegram pero del pc?

    Un abrazu!

  40. enolp diz:

    Bones As.

    ¿Tas falando del veceru web o’l qu’hai pa PC?

    Un saludu.

  41. piedracea diz:

    nel mio telefonu que tien antivirus salta-y como que ye virus…la mio pregunta ye al ser un hack o modificao salta el antivirus porque nun lo reconoz o ye que trai virus la apk? muches gracies de antemano

  42. enolp diz:

    Bones piedracea.

    Tocante a la to entruga déxame esclariate que Telegram n’asturianu nun ye dengún hack, lo que nós facemos ye coyer el códigu de l’aplicación, amesta-y les traducciones y compilalu cola nuesa robla dixital. En nengún casu se ruempe la seguridá l’aplicación o se faen teuniques duldoses pa tener l’app furrulando, arriendes d’eso pues echa-y un güeyu al códigu nel enllaz del repositoriu que ta enriba.

    Sicasí, el tema de los antivirus n’Android nun emplega’l mesmu funcionamientu que nun PC, esto quier dicir qu’un antivirus n’Android lo máximo que va facete, amás de consumite abondos recursos del to preséu como batería, memoria RAM… etc, ye analizate los permisos d’una aplicación dende una llista prefixada. Como nesa llista nun tea la nuesa aplicación va date un avisu de sospecha.
    Nós nun entramos en decisiones personales, pero un antivirus n’Android nun val pa nada namás que pa gastar recursos o quiciabes esclucar les tos actividaes. Si tienes un bon sentíu común tocante a les aplicaciones qu’instales y los sos permisos, nun te fadrá falta antivirus dalu n’Android.

    Un saludu candial y esperamos resolver la to dubia.

  43. Softastur » Anovamientu de Telegram diz:

    […] VERSIÓN NUEVA – 2.3.3 […]

  44. Softastur » ¡¡¡TELEGRAM N’ASTURIANU YÁ TA NA PLAY STORE!!! diz:

    […] Telegram Messenger n’Asturianu […]

  45. Softastur » Escorriendo la normalidá. Tornamos a la Play Store diz:

    […] Telegram Messenger n’Asturianu […]