Cutegram, el veceru nuevu de Telegram pa PC n’asturianu

Unes selmanes dempués de que vos amosáremos una captura del programa per twitter yá ta disponible Cutegram n’asturianu, el veceru d’escritoriu pa Telegram llibre y multi-plataforma.

¿Qué ufre esti veceru de Telegram?
Cutegram ufre una esperiencia moderna, cenciella y guapa de charrar colos tos collacios dende’l PC. Con Cutegram podrás xestionar varies cuentes dende la mesma aplicación, tener unes notificaciones intelixentes, aniciar charres secretes amás de poder ver tolos ficheros unviaos a tolos tos contautos. Sicasí, esti programa trai carauterístiques qu’entá l’aplicación oficial nun amestó.

cutegram2-poster

 

Yá uso Webogram, ¿qué diferencies hai?
Webogram ye un serviciu web que rique l’usu d’un restolador polo que la integración col sistema nun ye bona, amás de que l’usu d’una aplicación nativa siempres va date’l meyor rindimientu ya integración posibles ente otres coses.

¿Daqué más?
Sí, pero nun vamos ser nós los que faigamos un artículu de munchos párrafos desplicando cauna de les funciones d’esti programa. Úsalu, espárdilu, ¡esfrútalu!…

Toles descargues alcuéntrense na páxina oficial del desendolcador: http://aseman.co/en/products/cutegram/

¿Tienes dubies o problemes tocante a Telegram? Ponte en contautu con nós pente’l perfil de twitter @telegram_ast, únviamos un corréu o namái comenta nesta páxina.

1 comentariu al rodiu de “Cutegram, el veceru nuevu de Telegram pa PC n’asturianu”

  1. Ruben diz:

    Si yo tengo Windows y Telegram para PC, porque tengo que cambiarme a este nuevo cliente? Enhorabuena por la integración, pero con Telegram tenéis un gran trabajo para hacer, sobretodo con las aplicas oficiales.

    Perdón por el castellano, pero soy catalán, aunque os sigo de cerca, gran trabajo

Dexe un comentariu

*