POR FIN, VLC!

Bones noticies pa la nuesa llingua: VideoLAN Project, el meyor reproductor multimedia, llanzó un importante anovamientu pal so conocíu programa de reproducción multimedia VLC, que s’atopa agora na versión 2.0.5.

Esta versión de VLC inclúi munches traducciones anovaes, incluyendo incluyendo per primer vegada traducción en llingua asturiana, amás de en bengalí (India), bosniu, checu, croata, danés, estoniu, holandés, francés, gaélicu escocés, gallegu, alemán, italianu, hebréu, xaponés, malayalam, khmer, polacu, chinu tradicional, chinu simplificáu, eslovacu, portugués brasileñu, tailandés y turcu.

Aspeutos destacaos de VLC 2.0.5:

  •     Corrixóse la deteición del sistema d’entrega DVB-S;
  •     Corrixóse la sincronización inicial de PulseAudio al reproducir ficheros;
  •     Corrixóse un problema coles fontes de los subtítulos;
  •     Corrixóse un problema de llenáu de búfer col parseador de subtítulu HTML;
  •     Corrixóse’l parseador lua koreus;
  •     Soporte ameyoráu pa los streams RTSP recibíos dende delles cámares IP;
  •     Corrixéronse numberosos bloqueos de MKV;
  •     Corrixóse un fallu rellacionáu colos ficheros SWF malformaos;
  •     Corrixóse un problema de Freetype rellacionáu coles fontes incrustaes;
  •     Corrixóse la relación d’aspeutu incorreuta nos filtros de videu;
  •     Corrixóse la inicialización de los codificadores de videu y audio MPEG-2;
  •     Corrixóse la función de escoyeta de pistes de videu y audio en libVLC, qu’agora usa un identificador de pistes constante;
  •     Otres meyores pequeñes y correiciones pa Mac VOS X y Windows.

DESCARGA

Collabora con Softastur informando de dalgún fallu d’ortografía, léxicu, etc, qu’atopes. Xuntos, somos meyores.

2 comentarios al rodiu de “POR FIN, VLC!”

  1. griaskasturiana diz:

    ¿Podríeis dicime como poner el VLC n’asturianu? Ya baxé’l programa del vuestru enllaz, pero el programa instalóseme en castiellanu, y en preferencies de idioma nun veo per ningun llau la nuesa llingüa. A ver si podeis echame una manina.
    Gracies collacios!

  2. Ḷḷumex03 diz:

    Si uses Windows nun vas poder esfrutar de VLC n’asturianu. Sicasí, con Ubuntu vas poder tener VLC y demás programes n’asturianu.

    Un saludu.

Dexe un comentariu

*